قنبر علی خان د تیراه اورکزئی قبیلے اوچت خان وو، ډیر صاحبِ جائیداد او د عزت خاوند وو. تیراه نه علاوه په پیښور کښې ئے هم لوئے جائیداد لرلو. آبا و اجداد ئے د مغل بادشاهانو لوئے منصب دار وو. خو دیو مذهبی میلانِ طبع په وجه حکومت وخت دا دنیاوی منصب ترک کړے وو.
قنبر علی خان د علم زهد و تقوی، پرهیزګارئ، عبادت او سخاوت په ښائسته صفتونو مزین وو. هم دا وجه ده چې د هغه د خُله هرے به په خپل قوم او دوستانو د حکم حیثیت لرلو. د دے صاحبِ عزت او کمال چیختن انسان د پیژندګلی په حقله زه د مرشدِ کامل جناب سید میرانور شاه صاحب اعلی الله مقامه هغه مرثیه پیش کوم چې هغوئ د قنبر علی خان د وفات په موقع فرمائیلی وه.
پہ فانی دنیا کے پاتے آخر نہ شہ
چے صفی آدم بابا د کل عالم وہ
مُرسلانو لہ فانی دنیا رحلت کڑہ
اِنس و جِن و ملائک ورپسے حَشم وہ
سلطنت د سلیمان چے پکار نہ شوہ
پہ نگین باندے یۓ نقش اسمِ اعظم وہ
ھیڅ نشان یۓ پاتے نہ شوہ پہ عالم کے
آئینہ د سکندر کہ جام د جم وہ
چے لہ دی دنیا حضرت مخ پہ حجاب کڑہ
افتخار د موجودات نبیؐ خاتم وہ
چے برزخ یۓ د تُراب پہ ځان قبول کڑہ
لہ ماتم یۓ کلی جہان کڑے برھم وہ
اِمامان پہ اَرمان لاڑو دنیا نہ
چے فلک یۓ د ماتم پہ بار ڈیر خم وہ
اے قنبرہ پہ نصیب د سلسبیل شہ
چے پہ زڑہ د مرتضیٰ علی رقم وہ
انور شاہ د فاتحہ د ستا پہ روح کا
چے ھمیش پہ ملاقات د ستا خرم وہ
زر دوہ سوہ اوؤم کال د ھجرت وہ
انور شاہ دا غزل ویلے د ماتم وہ
Post a Comment