Yam pa khpal fikar hamesh pa zrh zaheer der - kalam syed Abbas Jan syed

 

کلام جناب میر سید عباس جان سید!!

یم په خپل فکر همیش په زڑه زهیر ڈیر

له دی کار مے کڑے هر دم خہ د ځان په ویر ڈیر

څه قضا و قدر حکم پرِ تعین شی

هیڅ علاج به چا نه شی په تدبیر ڈیر

بے له غمه په دنیا کے خادی نیشتا

که هر څو تدبیر کوے په دا کثیر ڈیر

هیڅ علاج د دغے چارے لیده نه شی

که هر څو په دا کوشش کوے خبیر ڈیر

که د زڑه په فکر اوگورے اے وروره

انقلاب له دنیا کا عالمِ بهیر ڈیر

نصیحت که د ناصح واورے ثواب دے

له خپل عینو وَراوه اوخیو شوگیر ڈیر

زراعت به د واصل د تن حاصل شی

صفائی به د ضمیر کڑے دا اکسیر ڈیر

تسلی د خپل ځان وکڑه که عاقل یے

ذکر فکر په هر دم کڑه د کبیر ڈیر

ذکر فکر سره یو شی هاله نافخ شی

په دا قول د حضرت شتا دے تقریر ڈیر

مَن بکىٰ واتبکیٰ حدیث تا گوره

په معنىٰ دغه حدیث دے وشبیر ڈیر

د بشیر په بشارت مبارکباد دے

علماء یے رنگا رنگ کوی تفسیر ڈیر

لا تَخَفْ وَلا تَحْزَنْ وته نظر کڑه

کل ذنوب به ورته عفو کا قدیر ڈیر

زه سیّد عباس که هر څو تباه کار یم

دامنگیر یم په خپل زڑه کے د شبیر۴ ڈیر

مشکل الفاظو معنی

مَن بکىٰ واتبکیٰ: څوک چې (د امام حسین۴) په غم وژاڑیدو یائی بل څوک وژاړولو

لا تَخَفْ وَلا تَحْزَنْ: ونه ڈار شے او خفا نه شے

ذنوب: د ذنب جمع دے، گناھانے

حوالہ کتاب: کلام د سید عباس

alert-successاس کلام کو دوستوں کیساتھ لازمی شیئر کریں