څہ لہ سترگو مے د اوخیو څی موجونہ
ژاڑہ وی مے ہغہ تللی زلمی جونہ
زلمی جونے مظلومان د کربلا دی
څہ یے یخی دی پہ سر د نُور تاجونہ
ہرڅہ نن یے پہ رخسارو اوخی درومی
پہ محشر بہ وی د لعل و دُر گنجونہ
د ایوے اوخی قیمت بہ ادا نہ شی
کہ څوک جمع کا د درست جہان باجونہ
پہ بازار د محبّت بہ نہ ارزیگی
کہ شاہی کہ وزیری وی کہ راجونہ
محبّت د خدائے دوستی د اہلبیت دے
څہ قلوب المومنین یے دی درجونہ
کہ گوہر د مودت د پہ لاس راشی
پرے جڑاؤ کڑہ شہنشاہ د سر تاجونہ
انتقام بہ د مظلوم لہ ظالم واخلی
کہ خکارہ شی د صاحب زمان فوجونہ
کہ مہدی ہادی لہ غیبٙ ظہور وکا
د رنزورو زڑو بہ وشی علاجونہ
د قنبر علی د زڑہ شمعے نُور واخست
څہ پہ مخ وڑی پینزہ دولس سِراجونہ
انور شاہ صاحِب د مِھر موندہ کیگی
د قنبر علی د زڑہ پہ معراجونہ
د قنبر علی غزل پہ کاغذ باندے
لکہ تور گیسُو د سپین مخ پہ عاجونہ
(کلام قنبر علی خان علیہ الرحمہ)
حوالہ کتاب: کلامِ قنبر alert-success
Post a Comment