که هر څو یے طلبگار شولو خبر څوک
ڈیرو بُت په لاس نیولے دے دلبر څوک
حق ناحق گنڑی په زور شیطان گمراه کڑل
خورد کلان گنڑی دلیل نه کا اکبر څوک
په آیاتو د قرآن دیو عمل نه کا
د باطن په سترگو ڑوند تا کا نظر څوک
دم په دم بُت تا سجده کا څه رهبر دے
خبر نه شولو دلبر څوک دے رهبر څوک
څه د خدائے په درگاه لوئے نه وی لوئے نه شی
خود پرست لاڑ دی جحیم تا بے هنر څوک
په خپل جهل یے ځان رد کڑه خدائے له درہ
د جحیم په لمبو سوزی دی اوتر څوک
له دفترہ د الحق دواڑه مردُود شول
محب هر یو په دفتر کے شی خبر څوک
هیڅ نه کاندی پروا د خدائے له قهرہ
هیڅ نه گوری څه دے شاہِ مظهر څوک
هم دلبر دے هم رهبر که په زنده شی
نه به مڑ شی څه زنده کاندی څیگر څوک
محبان د دنیا له هیڅ خبر نه دی
سوزَوی به خپل څیگر په دا اخگر څوک
څه د چا سُود منده کیگی دیو زهیر وی
ڈیر د بل په زیان خوشحال دی بے بصر څوک
اے سید عباسه فکر په هر دم کڑه
څه بیا نه مومی له ستا نا دا ضرر څوک
څه د نفس په دام که ځان خبردار نه کڑے
شرمنده گرزی هر لورے په محشر څوک
زه سید عباس ضمیر په گلشن گرزم
د ضمیر په گلشن وینم بھراور څوک
حوالہ کتاب کلام د سید عباس
Post a Comment